کونول داها نه ایتیرسن؟؟؟
بو سن،بودا الده قوپوز
نه ایسته سن ال چالاجاق
بودور تنها اومودوموز
***
کونول سن دئ الده چالسین
آلوولانسین،اوره ک یانسین
بلکه ائلیم غمسیز قالسین
بودور تنها اومودوموز
***
توی گونومده،یاس گونومده
مجلیسیمین ان اونونده
قوپوز چالین ائل ایچینده
شعیر اوخویون ائل دیلینده
بودور تنها اومودوموز
موسیقیدیر هر سوزوموز
(ارکین باشکندلی)
بیر آه چکیپ اورگیمدن آلیشسام
آلولانیپ آلولارا قاریش سام
کپنک تک اود ایچینده چالیشسام
یانیپ سونوپ کوله دونسم گلرسن؟
اوره گیمی اللریمده ساخلاسام
دوره سینه دسته گوللرباغلاسام
سن گلین جک هاوارچکیپ آغلاسام
آخیپ سوزوپ سئله دونسم گلرسن
تیکسم یولا گوزلریمین قاراسین
یئرساخلاسام اوره گیمین آراسین
سرسم یولا داغین داشین لالاسین
یانیپ سونوپ کوله دونسم گلرسن؟
چیچک چیچک گوله دونسم گلرسن؟
اوره گیمین قانی آخسا گوزومدن
جان قوتارسام بوجان آلان دوزومدن
غزل غزل بال سوزول سه سوزومدن
بولبول اولوپ دیله دونسم گلرسن؟
سیزیلا سام بیر سیزلایان نی اولسام
هارای چکیپ هارایلاراهی اولسام
بیرلحضه یوزچله چکمیش می اولسام
چله چله ائله دونسم گلرسن؟
هوشنگ جعفری
[quote=turkqiz]
بیر آه چکیپ اورگیمدن آلیشسام
آلولانیپ آلولارا قاریش سام
کپنک تک اود ایچینده چالیشسام
یانیپ سونوپ کوله دونسم گلرسن؟
اوره گیمی اللریمده ساخلاسام
دوره سینه دسته گوللرباغلاسام
سن گلین جک هاوارچکیپ آغلاسام
آخیپ سوزوپ سئله دونسم گلرسن
تیکسم یولا گوزلریمین قاراسین
یئرساخلاسام اوره گیمین آراسین
سرسم یولا داغین داشین لالاسین
یانیپ سونوپ کوله دونسم گلرسن؟
چیچک چیچک گوله دونسم گلرسن؟
اوره گیمین قانی آخسا گوزومدن
جان قوتارسام بوجان آلان دوزومدن
غزل غزل بال سوزول سه سوزومدن
بولبول اولوپ دیله دونسم گلرسن؟
سیزیلا سام بیر سیزلایان نی اولسام
هارای چکیپ هارایلاراهی اولسام
بیرلحضه یوزچله چکمیش می اولسام
چله چله ائله دونسم گلرسن؟
هوشنگ جعفری
[/quo
باخیشیندا زهر کیمی اولارسامدا
بونو بیل کی
هر دردینین داواسیام
گل گل بئله اي مارال بالاسي * گلسين منه گؤزلرين قاداسي
بو غوصصه لرين سنن علاجي * بو درد و غمين سنن دواسي
دور گلدي گنه بهار،يوخدور * سن سيز چمن و چؤلون صفاسي
اي شوخ گول اوز آپاردي رنگي * گول زارده ن اللرين حناسي
او غونچه كيمين دوداغلاريندان * قوي بيرجه اؤپوم خودا ريضاسي
كيمسه قيناماز سني گركمز * گؤيچك اولا اولمايا وفاسي
دي هانسي گؤزل بوگون سنين تك * اوز عاشيقينا يئتر جفاسي
بو قاراگونون نه اولوردو بيرگون * اولسئيدي قبول التماسي
هاي خمسه نين او سويوغ سولاري * به هيدجين او سرين هاواسي
بوعور، گؤره ن اولور يئتيشسين * بير دفعه ايجابته دوعاسي
اولماز ائله سؤز اودور بويوردو * بو رند طريقتين قوجاسي
اولماز اولا گول تيكان،تيكان گول * گر ايسترن آغلا ايسترن گول
(حکیم هیدجی)
بو وبلاگ دا بیر نئچه غزل بو حکیم نن یازیلیب
http://www.hakimhidaji.blogfa.com/
باشدان ایشلر ترسه گلدی گولمه گولمکدن گئچیب
چوخ یامان بیر درده دوشدوک دردی بیلمکدن گئچیب
باغ پوزولدو کند داغیلدی اولدو بولبول سولدو گول
شاختا چالدی باغلارین بارین دریلمیکدن گچیب
بو جهالت بیر مرضدی کیمسه دوتدور فاتحه
دور قبیر قازدیر کفن بیچدیر دیریلمکدن گئچیب
اختیار سیز عمرومون فرشین دار اوستن داره چک
قین جیلان ارخاجدان ایلمک چالما ایلمکدن گئچیب
اوز دیلیمدن اسلانیر باشیم باشیمدان قورخمورام
فیکریمی برک ساخلائین بوینوم اوزولمکدن گئچیب
جان سیزین جان تبریزین جان تورک لرین گوئچک دیلی
قوی سوزوم دیللرده قالسین دیل بیچیلمکدن گئچیب
ای هاوار باغریم یاریلدی قوللاریمدان ساخلایین
قویمایین قلبیم سیخیلسین قد کیچیلمک دن گئچیب
هوشنگ جعفری
من دئميرم اوءستون نيژاددانام من
دئميرم ائللريم ائللردن باشدير
منيم مسليكيمده، منيم يولومدا
ميلّت لر هامي سي دوستدور، قارداشدير
چاپماق ايسته ميرم من هئچ ميلّتين
نه ديلين، نه يوردون، نه ده امگين
تحقير ائله ميرم، هده له ميرم
كئچميشين، ايندي سين، يا گله جگين
من آييرميرام، آيري سالميرام
قارداشي، قارداشدان، آروادي اردن
آناني بالادان، اتي ديرناقدان
اوءرگي اوءركدن، قانادي پردن
پوزماق ايسته ميرم من بيرليك لري
اينسانليق بيرليگي ايدياليمدير
قارداشليق، يولداشليق، ادبي باريش
دونيادا ان بؤيوك آرزي لاريمدير
آنجاق، بير سؤزوم وار من ده اينسانام
ديليم وار خالقيم وار، يوردوم، يووام وار
يئردن چيخماميشام گؤبلك كيمي
آدامام، حاقّيم وار، ائليم، اوبام وار
قول يارانماميشام ياراناندا من
هئچ كسه اولمارام، نه قول، نه اسير
قورتولوش عصري دير اينسانا بو عصر
اسير اولانلار دا بوخوون كسير